Gürcüstan prezidenti Mixail Saakaşvili Türkiyə, Azərbaycan və Gürcüstanın iqtisadiyyat nazirlərini qəbul edib. APA-nın Gürcüstan bürosunun məlumatına görə, üçtərəfli Gürcüstan-Azərbaycan-Türkiyə biznes-forumunda iştirak edən Gürcüstanın iqtisadiyyat və sabit inkişaf naziri Vera Kobaliya, Azərbaycanın iqtisadi inkişaf naziri Şahin Mustafayev və Türkiyənin iqtisadiyyat naziri Zəfər Cağlayanla keçirilən görüşdə ölkələr arasında əməkdaşlıq, yeni layihələr, ticarət potensialının daha da artırılması, yeni şirkətlərin yaradılması və qarşılıqlı sərmayələrin yatırılması müzakirə olunub.